నిజామాబాద్‌ జిల్లా కలెక్టర్‌ నారాయణరెడ్డి విన్నూత తనిఖీ - Subha Telangana

Breaking

Post Top Ad

Friday, December 27, 2019

నిజామాబాద్‌ జిల్లా కలెక్టర్‌ నారాయణరెడ్డి విన్నూత తనిఖీ


నిజామాబాద్‌ జిల్లా కలెక్టర్‌ నారాయణరెడ్డి ఉన్నట్టుండి జిల్లా ప్రభుత్వ ఆస్పత్రిని సందర్శించారు. ఈ తనిఖీ కోసం కలెక్టర్‌ సైకిల్‌పై ఒక్కరే ఆస్పత్రికి వెళ్లడం విశేషం. తాను బస చేస్తున్న ఆర్‌ అండ్‌ బీ గెస్ట్ హౌజ్ నుంచి అధికారులకు, తన భద్రతా సిబ్బందికి సమాచారం ఇవ్వకుండా బస్టాండు వెనుక గల ప్రభుత్వాసుపత్రికి వెళ్లారు. ఆర్ అండ్ బీ గెస్ట్ హౌజ్ నుంచి ఎన్టీఆర్‌ చౌరస్తా, బస్టాండ్‌ మీదుగా ఆస్పత్రికి వెళ్లారు. ఓ సాధారణ వ్యక్తిలా రోడ్డుపై సైకిల్‌పై వెళ్లడంతో ఎవరూ పట్టించుకోలేదు.

ఆస్పత్రికి వెళ్లాక కలెక్టర్ నారాయణ రెడ్డి అన్ని విభాగాలను తనిఖీ చేశారు. అందుబాటులో ఉన్న సిబ్బందిని పిలిచి వివరాలు అడిగి తెలుసుకున్నారు. వివిధ వార్డుల్లో తిరుగుతూ రోగులతో మాట్లాడారు. సిబ్బంది అందిస్తున్న సౌకర్యాల గురించి ఆరా తీశారు. ఉదయం వేళ విధుల్లో ఉండాల్సిన డాక్టర్లు, ఇతర సిబ్బంది హాజరు కాకపోవడం గుర్తించి, వారికి మెమోలు జారీ చేయాలని సంబంధిత అధికారులను ఆదేశించారు. గతంలో ములుగు జిల్లా కలెక్టర్‌గా పని చేసిన కలెక్టర్ నారాయణ రెడ్డి బదిలీపై ఇటీవలే నిజామాబాద్ జిల్లాకు కలెక్టర్‌గా వచ్చారు.



( ఈ వార్త / వెబ్ పేజ్ నందు ఉపయోగించిన ఇమేజ్/ఛాయాచిత్రాలు గూగుల్ ఓపెన్ సోర్స్ నుండి తెసుకోనబడెను . )