KCR: ఆత్మీయ సమావేశంలో ఆర్టీసీ కార్మికులకు సీఎం వరాలు - Subha Telangana

Breaking

Post Top Ad

Sunday, December 01, 2019

KCR: ఆత్మీయ సమావేశంలో ఆర్టీసీ కార్మికులకు సీఎం వరాలు

తెలంగాణ ఆర్టీసీ కార్మికులకు సీఎం కేసీఆర్ వరాలు ఇచ్చారు. ప్రగతి భవన్‌లో నిర్వహించిన ఆత్మీయ సమ్మేళనంలో భాగంగా.. ఆర్టీసీ కార్మికులతో కలిసి కేసీఆర్‌ భోజనం చేశారు. అనంతరం కార్మికులపై వరాల జల్లు కురిపించారు. ఆర్టీసీ కార్మికుల రిటైర్మెంట్ వయసును 60 ఏళ్లకు పెంచుతూ కేసీఆర్ నిర్ణయించారు. సెప్టెంబర్ నెల జీతం సోమవారం చెల్లించాలని అధికారులను ఆదేశించారు. 52 రోజుల సమ్మెకాలానికి కూడా జీతం చెల్లిస్తామని సీఎం హామీ ఇచ్చారు.సంస్థను లాభాల్లోకి తీసుకెళ్తే.. సింగరేణి తరహాలో బోనస్ ఇస్తామని ఆర్టీసీ కార్మికులకు సీఎం తెలిపారు. మహిళా ఉద్యోగుల సమస్యలను పరిష్కరిస్తామని కేసీఆర్ హామీ ఇచ్చారు. రాత్రి 8 గంటలకే విధులు ముగిసేలా మహిళా కార్మికులకు డ్యూటీ వేయాలని అధికారులకు సూచించారు. ప్రభుత్వ ఉద్యోగులతో సమానం ప్రసూతి సెలవులు ఇవ్వడానికి అంగీకరించారని తెలుస్తోంది. ప్రభుత్వ ఉద్యోగులతో సమానంగా ఆర్టీసీ కార్మికుల తల్లిదండ్రులు వైద్య సేవలు అందించాలని సీఎం ఆదేశించారని సమాచారం.

ఆర్టీసీ సమస్యలు, స్థితిగతులపై ప్రభుత్వం తరఫున కేసీఆర్ స్వయంగా పవర్ పాయింట్ ప్రజెంటేషన్ ఇచ్చారని సమాచారం. ఆర్టీసీని లాభాల బాట పట్టించాలంటే ఏయే చర్యలు తీసుకోవాలనే దిశగా సీఎం కార్మికులతో చర్చలు జరిపారు. యూనియన్ల వైపు కార్మికులు వెళ్లొద్దని కేసీఆర్ సూచించారు.

ఒక్కో డిపో నుంచి ఐదుగురి చొప్పున 90 డిపోల నుంచి 750 మంది కార్మికులు, 150 మంది అధికారులతో సీఎం కేసీఆర్ ప్రగతి భవన్‌లో భేటీ అయ్యారు.

Post Top Ad