ముఖ్యమంత్రి కేసీఆర్ ఏపీకి చెందిన టీడీపీ నేత, మాజీ మంత్రి బొజ్జల గోపాల కృష్ణారెడ్డిని కలిశారు. బంజారాహిల్స్‌లోని కృష్ణారెడ్డి ఇంటికి ఆదివారం వెళ్లిన కేసీఆర్.. ఆయన్ను పరామర్శించారు. బొజ్జల గోపాల కృష్ణారెడ్డి
కొంతకాలంగా అనారోగ్యంతో బాధపడుతున్నారు. ఈ నేపథ్యంలోనే బొజ్జల ఆరోగ్య పరిస్థితి గురించి తెలుసుకునేందుకు కేసీఆర్ ఆయన ఇంటికి వెళ్లినట్లుగా టీఆర్ఎస్ వర్గాలు చెబుతున్నాయి. అయితే, కేసీఆర్ తన మధ్యాహ్న భోజనాన్ని బొజ్జల ఇంట్లోనే చేయడం ప్రాధాన్యం సంతరించుకుంది. అనంతరం కేసీఆర్ క్యాన్వాయ్ ప్రగతి భవన్‌కు చేరుకుంది.
