హైదరాబాద్‌లో ఉన్న భద్రత మరెక్కడా లేదు : సినీ నటి సాయి పల్లవి - Subha Telangana

Breaking

Post Top Ad

Thursday, February 20, 2020

హైదరాబాద్‌లో ఉన్న భద్రత మరెక్కడా లేదు : సినీ నటి సాయి పల్లవి

హిళల భద్రత కోసం తెలంగాణ పోలీసులు ఎంతో కృషి చేస్తున్నారని సినీ నటి సాయి పల్లవి అన్నారు. మహిళలకు హైదరాబాద్‌లో ఉన్న భద్రత మరెక్కడా లేదన్నారు. పోలీసుల భద్రతతో మహిళలు నిశ్చింతగా ఉంటున్నారని పేర్కొన్నారు. పోలీసులకు సహకరించడం మన బాధ్యత అని ఈ ‘సినీ నటి సాయి పల్లవి ’ పిలుపునిచ్చారు. హైదరాబాద్‌లోని హెచ్‌ఐఐసీలో గురువారం  సైబరాబాద్‌ పోలీసులు, సొసైటీ ఫర్‌ సెక్యూరిటీ కౌన్సిల్‌ సంయుక్త ఆధ్వర్యంలో మహిళా సాధికారత సదస్సు నిర్వహించారు. ఈ సదస్సులో పాల్గొన్న సాయి పల్లవి.. మహిళా ఉద్యోగుల భద్రత కోసం రూపొందించిన ‘షీ సేఫ్‌’ అనే ప్రత్యేక యాప్‌ను ప్రారంభించారు. అనంతరం ప్రసంగించారు. ఈ సదస్సులో సైబరాబాద్‌ పోలీసు కమిషనర్‌ సజ్జనార్‌, ఐజీ స్వాతిలక్రా, టెస్సీ థామస్‌ తదితరులు పాల్గొన్నారు. మహిళల భద్రత, బాల్య వివాహాలు, బాలకార్మిక వ్యవస్థ, మహిళలు, చిన్నారుల అక్రమ రవాణా తదితర అంశాలపై ఈ సదస్సులో చర్చించారు. హాక్‌ఐ యాప్, భరోసా, షీ టీమ్స్ తదితరాలపై వివరించారు. సైబరాబాద్‌ ఐటీ కారిడార్‌ పరిధిలోని మహిళా ఉద్యోగుల భద్రత కోసం ‘షీ సేఫ్‌’ యాప్‌ రూపొందించినట్లు ఐజీ స్వాతిలక్రా తెలిపారు.



( ఈ వార్త / వెబ్ పేజ్ నందు ఉపయోగించిన ఇమేజ్/ఛాయాచిత్రాలు గూగుల్ ఓపెన్ సోర్స్ నుండి తెసుకోనబడెను . )