హైదరాబాద్ అభివృద్ధి కోసం దాదాపు 15 వేల కోట్ల కేటాయింపులు - Subha Telangana

Breaking

Post Top Ad

Sunday, March 08, 2020

హైదరాబాద్ అభివృద్ధి కోసం దాదాపు 15 వేల కోట్ల కేటాయింపులు

హైదరాబాద్ నగరం కోసం ప్రభుత్వం ప్రత్యేక నిధులను కేటాయించింది. కోటి మందికిపైగా జనాభా నివసిస్తోన్న హైదరాబాద్ నగరం నుంచి రాష్ట్రానికి ఎక్కువ ఆదాయం సమకూరుతోంది. దీంతో బడ్జెట్లో నగరానికి సముచిత ప్రాధాన్యం కల్పించారు. మున్సిపల్ శాఖకు తెలంగాణ ప్రభుత్వం బడ్జెట్లో రూ.14,809 కోట్లు కేటాయించగా.. ఇవి కాకుండా హైదరాబాద్, పరిసర ప్రాంతాల అభివృద్ధితోపాటు మూసీ నది ప్రక్షాళన, మూసీ రివర్ ఫ్రంట్ ప్రాజెక్ట్ అమలు కోసం బడ్జెట్లో రూ.10 వేల కోట్లను ప్రత్యేకంగా కేటాయించారు. హైదరాబాద్ నగరంలో అభివృద్ధి కార్యక్రమాల కోసం వచ్చే ఐదేళ్లలో రూ.50 వేల కోట్లు అవసరమని తెలంగాణ ప్రభుత్వం అంచనా వేస్తోంది. తొలి దఫాలో భాగంగా రూ.10 వేల కోట్లు కేటాయించింది. దీన్ని మిగతా నాలుగేళ్లు కొనసాగించే వీలుంది. పాత బస్తీ నుంచి ఐదు కి.మీ. మెట్రో మార్గం త్వరలోనే పూర్తి అవుతుందని ఆర్థిక మంత్రి తెలిపారు. రాయదుర్గం నుంచి శంషాబాద్, బీహెచ్‌ఈఎల్ నుంచి లక్డీకాపూల్ వరకు మెట్రో రైలు ప్రణాళికలను సిద్ధం చేస్తున్నట్లు ఆర్థిక మంత్రి హరీశ్ రావు తెలిపారు. మూడు నెలల్లోనే రాష్ట్రంలోని అన్ని పట్టణాల్లో పబ్లిక్ టాయిలెట్లు నిర్మించాలని ప్రభుత్వం ఇప్పటికే ప్రజాప్రతినిధులు, అధికారులకు స్పష్టమైన ఆదేశాలు జారీ చేసిందని హరీశ్ రావు గుర్తు చేశారు. పట్టణాలు, నగరాల అభివృద్ధికి ప్రతినెలా రూ.148 కోట్ల నిధులను ప్రభుత్వం విడుదల చేస్తోందన్నారు. పట్టణ మిషన్ భగీరథ కింద మిగిలిపోయిన 38 మున్సిపాలిటీలకు రూ.800 కోట్లు ప్రతిపాదిస్తున్నట్లు మంత్రి ప్రకటించారు.

Post Top Ad