ఆర్టీసీ సమ్మె కాలపు ఉద్యోగుల వేతనాలు రూ.235 కోట్లను విడుదల చేస్తూ ఆర్థిక శాఖ ఉత్తర్వులు - Subha Telangana

Breaking

Post Top Ad

Wednesday, March 11, 2020

ఆర్టీసీ సమ్మె కాలపు ఉద్యోగుల వేతనాలు రూ.235 కోట్లను విడుదల చేస్తూ ఆర్థిక శాఖ ఉత్తర్వులు

గతేడాది తెలంగాణ ఆర్టీసీ  తమ 26 డిమాండ్లను పరిష్కరించాలని కోరుతూ ఆర్టీసీ కార్మికులు అన్ని డిపోల్లో విధులు బహిష్కరించి ర్యాలీలు చేపట్టారు.  తాజాగా తెలంగాణ ప్రభుత్వం ఆ సమ్మె కాలపు కార్మికుల జీతాలను విడుదల చేసింది. దీనికి సంబంధించిన రూ.235 కోట్లను విడుదల చేస్తూ ఆర్థిక శాఖ ఉత్తర్వులు జారీ చేసింది. సమ్మెకాలపు జీతాలను కూడా చెల్లిస్తామని గతంలో ముఖ్యమంత్రి కేసీఆర్ హామీ ఇచ్చిన సంగతి తెలిసిందే. ఇందులో భాగంగా ఆ నిధులను బుధవారం విడుదల చేశారు. గతేడాది అక్టోబరులో ఆర్టీసీ కార్మిక సంఘాల జేఏసీ పిలుపు మేరకు ఉద్యోగులంతా సమ్మె చేశారు. ఆర్టీసీని ప్రభుత్వంలో విలీనం చేయాలనే ప్రధాన డిమాండ్‌తో ఈ సమ్మె కొనసాగింది. ఆ సమయంలో ఉద్యోగులందరిపై ప్రభుత్వం కాస్త కఠినంగానే వ్యవహరించింది. ఆర్టీసీలో కొన్ని రూట్లను ప్రైవేటు పరం చేస్తామని తేల్చి చెప్పారు. చివరికి దిగివచ్చిన కార్మికులు మళ్లీ విధుల్లో చేరతామని వేడుకున్నారు. ఆర్టీసీలో ఉన్న సమస్యలపై సమీక్ష నిర్వహించిన సీఎం కేసీఆర్, మళ్లీ సంస్థ నిలదొక్కుకునేందుకు చేపట్టాల్సిన కొన్ని చర్యలను సూచించారు. అదే సమయంలో ప్రభుత్వం ఆర్టీసీ కార్మికులందరినీ తిరిగి విధుల్లోకి తీసుకున్న సందర్భంగా కేసీఆర్ వారితో ఓ కార్యక్రమం ఏర్పాటు చేసి వరాల జల్లు కురిపించిన సంగతి తెలిసిందే.

Post Top Ad