జగిత్యాల వాసిని ని అరెస్టు చేసిన జమ్మూ కాశ్మీర్ పోలీసులు - Subha Telangana

Breaking

Post Top Ad

Tuesday, March 03, 2020

జగిత్యాల వాసిని ని అరెస్టు చేసిన జమ్మూ కాశ్మీర్ పోలీసులు

తెలంగాణకు చెందిన ఓ వ్యక్తి తన స్నేహితుడి సలహా మేరకు అతడు చెప్పిన వ్యక్తికి గూగుల్ పే ద్వారా రూ. 5 వేలు నగదు బదిలీ చేశాడు. సీన్ కట్ చేస్తే.. డబ్బులు పంపిన ఆ వ్యక్తిని జమ్ము కశ్మీర్ పోలీసులు వచ్చి అరెస్ట్ చేశారు. జగిత్యాల జిల్లా మల్లాపూర్మండలంలోని కుస్థాపూర్గ్రామంలో మంగళవారం ఈ ఘటన చోటు చేసుకుంది. . జగిత్యాల జిల్లా కుస్థాపూర్‌ గ్రామానికి చెందిన లింగన్న అనే వ్యక్తి దుబాయ్‌లో ఉంటున్న తన స్నేహితుడి సూచన మేరకు రాకేశ్ అనే వ్యక్తికి రూ.5 వేల నగదును గూగుల్‌ పే యాప్‌ ద్వారా బదిలీ చేశాడు. అయితే.. జమ్ముకశ్మీర్‌ పోలీసులు రాకేశ్‌ను ఇప్పటికే దేశద్రోహం కింద అరెస్టు చేసి విచారిస్తున్నారు. అతడి బ్యాంక్ వివరాలను ఆరా తీయగా.. లింగన్న అనే వ్యక్తి అతడికి డబ్బులు పంపాడని తేలింది. ఈ విషయాన్ని గుర్తించిన జమ్ముకశ్మీర్‌ పోలీసులు లింగన్నను అదుపులోకి తీసుకున్నారు. ఇటీవల జమ్ముకశ్మీర్‌లోని ఓ పోలీస్‌ స్టేషన్‌పై దాడి కేసులో రాకేశ్‌ను అక్కడి పోలీసులు అరెస్టు చేశారు. అతడి బ్యాంక్‌ అకౌంట్లు పరిశీలిస్తున్న క్రమంలో కుస్థాపూర్‌ వాసి లింగన్న అతడికి డబ్బులు జమ చేసినట్లు తేలింది. దీంతో కశ్మీర్ పోలీసులు తెలంగాణకు వచ్చి అతడిని అదుపులోకి తీసుకున్నారు. మల్లాపూర్‌ పోలీస్‌ స్టేషన్‌కు తరలించి విచారిస్తున్నారు. ఘటనకు సంబంధించిన పూర్తి వివరాలు తెలియాల్సి ఉంది.

Post Top Ad