భూపాలపల్లిలోని రాంపూర్ అడవుల్లో కిడ్నాపైన లేబర్ ఆఫీసర్ ఆనంద్ దారుణ హత్య - Subha Telangana

Breaking

Post Top Ad

Tuesday, March 10, 2020

భూపాలపల్లిలోని రాంపూర్ అడవుల్లో కిడ్నాపైన లేబర్ ఆఫీసర్ ఆనంద్ దారుణ హత్య

భూపాలపల్లిలోని రాంపూర్ అడవుల్లో పోలీసులు  మూడు రోజుల క్రితం కిడ్నాపైన లేబర్ ఆఫీసర్ ఆనంద్ ఆయన మృతదేహాన్ని స్వాధీనం చేసుకున్నారు. ఆనంద్‌ను సీఐ ప్రశాంత్ రెడ్డి తమ్ముడు ప్రదీప్ రెడ్డి కిడ్నాప్ చేసి హత్య చేశాడని తెలుస్తోంది. హత్య వెనుక ఇసుక మాఫియా హస్తం ఉందని, టీఆర్ఎస్ నేత సోదరుడి ప్రమేయం ఉందని వార్తలు వినిపిస్తున్నాయి. మార్చి ఏడో తేదీన ఆనంద్ రెడ్డి, తన స్నేహితుడు ప్రదీప్‌రెడ్డితో కలిసి బయటకు వెళ్లారు. అప్పటి నుంచి ఆయన తిరిగి ఇంటికి రాలేదు. తొలుత ఆయన ఆఫీసు పని మీదద బయటకు వెళ్లి ఉంటారని భావించారు. కానీ రోజులు గడిచినా తిరిగి రాకపోవడంతో.. కుటుంబీకులు ఆనంద్ కనిపించడం లేదని హన్మకొండ పోలీసులకు ఫిర్యాదు చేశారు. కేసు నమోదు చేసుకున్న పోలీసులు ఆనంద్ రెడ్డి సెల్ ఫోన్ సిగ్నల్ ఆధారంగా ఆయన జాడ గుర్తించే ప్రయత్నం చేశారు. భూపాలపల్లి అడవుల్లో ఆయన సిగ్నల్స్ ఆగిపోయినట్టు గుర్తించారు. దీంతో ఆ ప్రాంతాన్ని జల్లెడ పట్టిన పోలీసులు ఆనంద్ మృతదేహాన్ని గుర్తించారు. ఆనంద్ రెడ్డిని అతడి స్నేహితుడు, సీఐ సోదరుడైన ప్రదీప్ రెడ్డి హత్య చేసి ఉంటాడని పోలీసులు అనుమానిస్తున్నారు. అతణ్ని అదుపులోకి తీసుకొని విచారిస్తున్నారని సమాచారం. ఆనంద్‌ను ప్రదీప్ రెడ్డి తీసుకెళ్లిన కారును హైదరాబాద్‌లో గుర్తించారు. అల్వాల్‌లో కారును కడిగించి.. ఓ స్నేహితుడి ఇంటి దగ్గర దాన్ని పార్కింగ్ చేసినట్టు తెలుస్తోంది. కమలాపూర్‌కు చెందిన ఇసుక వ్యాపారిపై కుటుంబ సభ్యులు అనుమానాలు వ్యక్తం చేస్తున్నారు.

Post Top Ad