శుభ తెలంగాణ (26,ఏప్రిల్ ,2020 - కరీంనగర్ ) : కరీంనగర్ లో పలు సేవా కార్యక్రమాల్లో నగర మేయర్ వై.సునీల్ రావు పాల్గొన్నారు. నగరంలోని 38 వ డివిజన్ లో శ్రీహరి నగర్ వెల్ఫేర్ అసోసియేషన్ ఆధ్వర్యంలో నగరపాలక సంస్థ కార్మికులకు, పేద ప్రజలకు సరుకుల పంపిణీ కార్యక్రమం జరిగింది. ఈ కార్యక్రమానికి నగర మేయర్ సునీల్ రావు ముఖ్య అతిథిగా హాజరై...పారిశుధ్య కార్మికులు, కాలనీలోని పేద ప్రజలకు నిత్యావసర సరుకులను పంపిణీ చేశారు. శ్రీనగర్ కాలనీ అసోసియేషన్ సహాకారంతో దాదాపు 150 పేద కుటుంబాలకు సరుకులను అందించి ఆకలి తీర్చారు. ఈ కార్యక్రమంలో డిప్యూటీ మేయర్ చల్ల స్వరూపరాణీ హారిశంకర్, కార్పోరేటర్ కచ్చు రవి, అసోసియేషన్ సభ్యులు పాల్గొన్నారు.
