తెలంగాణలో ఒక్కరోజే భారీగా కరోనా కేసులు, 2 వేలకు చేరువలో.. - Subha Telangana

Breaking

Post Top Ad

Wednesday, May 27, 2020

తెలంగాణలో ఒక్కరోజే భారీగా కరోనా కేసులు, 2 వేలకు చేరువలో..

తెలంగాణలో కరోనా వైరస్ కేసులు మంగళవారం భారీగా పెరిగాయి. రాష్ట్ర వైద్య ఆరోగ్యశాఖ విడుదల చేసిన హెల్త్ బులెటిన్‌ ప్రకారం.. ఒకే రోజులో మొత్తం 71 కరోనా పాజిటివ్ కేసులను అధికారులు గుర్తించారు. దీంతో రాష్ట్రంలో మొత్తం కరోనా కేసుల సంఖ్య 1,991కు చేరింది. వీటిలో ఒక్క జీహెచ్ఎంసీ పరిధిలోనే 38 కరోనా కేసులు నమోదు కావడం గమనార్హం. ఇదే సమయంలో మంగళవారం ఓ వ్యక్తి కరోనా వల్ల చనిపోయారు. దీంతో రాష్ట్రంలో కరోనా వల్ల చనిపోయిన వారి సంఖ్య 57కు చేరింది. ఇప్పటి వరకూ కరోనాతో కోలుకున్న వారు రాష్ట్రంలో 1,284 మంది అని హెల్త్ బులెటిన్‌లో పేర్కొన్నారు. మంగళవారం ఒక్కరోజు కరోనా నుంచి కోలుకొని 120 మంది డిశ్చార్జి అయ్యారు.
ఇక రాష్ట్రంలో మొత్తం యాక్టివ్ కేసులు 650గా ఉన్నాయి. ఈరోజు నమోదైన కేసుల్లో 38 జీహెచ్ఎంసీ పరిధిలో కాగా, రంగారెడ్డి జిల్లా పరిధిలో 7, మేడ్చల్ జిల్లాలో 6 కరోనా కేసులను గుర్తించారు. 12 మంది వలస కార్మికులకు కూడా కరోనా సోకింది. అంతేకాక, మరో నలుగురు విదేశీయులకు కూడా కరోనా సోకినట్లుగా గుర్తించారు. సూర్యాపేట, వికారాబాద్, నల్గొండ, నారాయణపేట జిల్లాల్లోనూ ఒక్కో కరోనా కేసు చొప్పున గుర్తించారు.

Post Top Ad