వాళ్లు ఎదగడాన్ని కేసీఆర్ సహించరు.. ఉత్తమ్ సంచలన వ్యాఖ్యలు - Subha Telangana

Breaking

Post Top Ad

Friday, June 12, 2020

వాళ్లు ఎదగడాన్ని కేసీఆర్ సహించరు.. ఉత్తమ్ సంచలన వ్యాఖ్యలు

ఎస్సీ, ఎస్టీల్లో ఎవరైనా ఎదిగితే రాష్ట్ర ముఖ్యమంత్రి కేసీఆర్‌ సహించబోరని.. టీపీసీసీ అధ్యక్షుడు ఉత్తమ్‌ కుమార్‌ రెడ్డి వ్యాఖ్యానించారు. టీఆర్ఎస్‌లో మొదటి నుంచి ఉన్నవారిని కూడా కేసీఆర్‌ మోసం చేశారని విమర్శించారు. గిరిజన రిజర్వేషన్ల కోసం ఉదయం నిరసన దీక్షకు కూర్చున్న రాములు నాయక్‌తో దీక్ష విరమింపజేసిన అనంతరం ఉత్తమ్‌ కుమార్ రెడ్డి మీడియాతో మాట్లాడారు. రాష్ట్రంలోని గిరిజనులకు 12 శాతం రిజర్వేషన్‌ కల్పిస్తామని హామీ ఇచ్చారని, అధికారంలోకి వచ్చి ఇన్నాళ్లయినా ఎందుకు రిజర్వేషన్ కల్పించలేదని ప్రశ్నించారు.
జనాభా ఆధారంగా గిరిజనులకు రిజర్వేషన్‌ కల్పించాలని ఉత్తమ్ డిమాండ్‌ చేశారు. ఒక్క జీవోతో జరిగే పనికి కేంద్రం పేరు చెప్పి తప్పించుకుంటున్నారని విమర్శించారు. పోడు భూములకు తెలంగాణ ప్రభుత్వం పట్టాలు ఎందుకు ఇవ్వడం లేదని ఉత్తమ్ కుమార్ నిలదీశారు. వాటిని సాగు చేసుకునే హక్కును ఆనాడు కాంగ్రెస్‌ ప్రభుత్వం కల్పించిందని ఆయన గుర్తు చేశారు.

ఉదయం తెలంగాణ కాంగ్రెస్ నేతలు రాష్ట్రంలో విద్యుత్ బిల్లుల పెంపును నిరసిస్తూ ఛలో సెక్రటేరియేట్‌కు పిలుపునిచ్చిన సంగతి తెలిసిందే. ఈ క్రమంలో పోలీసులు ముందస్తుగానే అప్రమత్తమై సచివాయం వద్ద భారీ బందోబస్తు ఏర్పాటు చేసారు. ముందస్తు చర్యల్లో భాగంగా కాంగ్రెస్‌ నేతల ఇళ్లను మోహరించి నేతలను హౌస్‌ అరెస్ట్‌ చేశారు. కాంగ్రెస్ నాయకుల్లో ముఖ్యులైన టీపీసీసీ చీఫ్ ఉత్తమ్ కుమార్ రెడ్డి, పొన్నాల లక్ష్మయ్య, భట్టి విక్రమార్క తదితరులను హౌజ్ అరెస్ట్ చేశారు.

Post Top Ad