జీతమంతా ఛార్జీలకే.. బస్సుల్లేక నగరంలో చిరుద్యోగుల పాట్లు - Subha Telangana

Breaking

Post Top Ad

Sunday, June 21, 2020

జీతమంతా ఛార్జీలకే.. బస్సుల్లేక నగరంలో చిరుద్యోగుల పాట్లు

కరోనా వైరస్ ప్రభావం మధ్యతరగతి, పేద ప్రజలు, చిరుద్యోగులపై తీవ్రంగా పడుతోంది. నగరంలో ప్రజా రవాణా డిపోలకే పరిమితం కావడంతో దానిపై ఆధారపడ్డ వారి జేబులకు చిల్లులు పడుతున్నాయి. సొంత వాహనం లేని చిరుద్యోగులు ఆఫీసులకు వెళ్లేందుకు ఇబ్బంది పడుతున్నారు. షేర్ ఆటోలు, ట్యాక్సీల్లో రోజూ వెళ్లాలంటే దాదాపు సగం జీతం రవాణాకే పోతోందని ఆవేదన చెందుతున్నారు. అసంఘటిత రంగంలో ఉన్న చిరుద్యోగులకు ఇప్పటికే 3 నెలల లాక్ కారణంగా జీతాల్లో కోతలు, కొన్ని చోట్ల అసలు జీతమే ఇవ్వకపోవడం వంటివి జరిగాయి. సడలింపుల్లో ఉద్యోగానికి అనుమతి వస్తే ఇప్పుడేమో చార్జీలకే సగం జీతం ఖర్చవుతోందని వాపోతున్నారు.కొంత మంది రవాణా ఖర్చు మిగిల్చుకొనేందుకు ఆఫీస్ టైమ్‌కు చాలా ముందే రోడ్డుపైకి వచ్చి లిఫ్ట్ అడుగుతున్నారు. కాస్త దగ్గరే అయితే మరికొంత మంది కాలినడకన ఆఫీసులకు వెళ్తున్నారు. రాష్ట్రంలోని అన్ని జిల్లాల్లో ఆర్టీసీ బస్సు సర్వీసులు నడుస్తుండగా, జీహెచ్ఎంసీ పరిధిలో కరోనా వ్యాప్తి ఎక్కువ ఉండడంతో ఇప్పట్లో బస్సులు, మెట్రో, ఎంఎంటీఎస్ రైళ్లు నడిపే పరిస్థితులు కనిపించడం లేదు.

Post Top Ad