కొవిడ్ హాస్పిటల్‌లో ఓ కుక్క, సెక్యురిటీ తప్ప ఎవ్వరూ లేరు: రేవంత్ రెడ్డి - Subha Telangana

Breaking

Post Top Ad

Monday, June 15, 2020

కొవిడ్ హాస్పిటల్‌లో ఓ కుక్క, సెక్యురిటీ తప్ప ఎవ్వరూ లేరు: రేవంత్ రెడ్డి

రాష్ట్రంలో కరోనా వైరస్ కేసులను అరికడుతున్న తీరుపై కాంగ్రెస్ ఎంపీ రేవంత్ రెడ్డి ముఖ్యమంత్రి కేసీఆర్‌పై తీవ్ర విమర్శలు చేశారు. కరోనా రోగులకు చికిత్స అందించేందుకు ప్రభుత్వం గచ్చిబౌలిలోని స్పోర్ట్స్ కాంప్లెక్స్‌ను ప్రత్యేక కొవిడ్ ఆస్పత్రిగా మార్చిన విషయాన్ని ఆయన గుర్తు చేశారు. దాన్ని తర్వాత టిమ్స్‌ ఆస్పత్రిగా మార్చుతామన్న కేసీఆర్, ఇప్పుడు కరోనా రోగులకు చికిత్స చేయించడమే లేదని ధ్వజమెత్తారు. ఇప్పుడు గ‌చ్చిబౌలి టిమ్స్‌లో చెత్త, న‌లుగురు సెక్యూరిటీ సిబ్బంది, ఓ కుక్క త‌ప్ప మరెవరూ లేరని కాంగ్రెస్ రేవంత్ రెడ్డి ఎద్దేవా చేశారు. గచ్చిబౌలిలోని టిమ్స్ ఆస్పత్రిని ఆదివారం కాంగ్రెస్ ఎంపీ రేవంత్ రెడ్డి సందర్శించారు.
ప్రభుత్వం చెప్పిన 100 మంది డాక్టర్లు, ప్రపంచంలోనే అత్యాధునిక వైద్యం వంటి వసతులు టిమ్స్ ఆస్పత్రిలో ఏవని ప్రశ్నించారు. కేసీఆర్ మాట‌ల‌కు, చేత‌ల‌కు పొంత‌న లేద‌నేందుకు టిమ్స్ ఆస్పత్రే ప్రత్యక్ష ఉదాహ‌ర‌ణ అని రేవంత్ రెడ్డి విమర్శించారు. తెలంగాణ‌లో ఇప్పటి వ‌ర‌కు 50 వేల కరోనా టెస్టులు కూడా చేయ‌లేదని, మ‌ర‌ణాల రేటులో దేశంలోనే తెలంగాణ ముందు ఉందని విమర్శించారు. దేశానికే త‌ల‌మానికంగా చెప్పుకున్న టిమ్స్‌లో మురుగు నీరు వ్యవస్థ కూడా లేదని, పక్కనున్న సెంట్రల్ యూనివ‌ర్శిటీలోకి వదులుతుంటే వారు ఆందోళ‌న చేస్తున్నారని మండిపడ్డారు. మురుగునీటి వ్యవస్థ బాగుకు తాను రూ.50 లక్షలు మంజూరు చేసినా ప‌నులు మొదలు పెట్టలేదని రేవంత్ రెడ్డి తప్పుబట్టారు.

Post Top Ad