షాక్ కొడుతున్న కరెంట్ బిల్లులు.. - Subha Telangana

Breaking

Post Top Ad

Monday, June 08, 2020

షాక్ కొడుతున్న కరెంట్ బిల్లులు..

తెలంగాణలో కరెంట్ బిల్లులు చూసి సామాన్యుడు షాక్ తింటున్నాడు. లాక్‌డౌన్ కారణంగా మార్చి, ఏప్రిల్ నెలల రీడింగ్ తీయకపోవడంతో.. ఇప్పుడు ఒకేసారి మూడు నెలల రీడింగ్ తీసి దాన్ని మూడు నెలలకు వర్తింపజేస్తున్నారు. పైకి చూస్తే దీని వల్ల ఎలాంటి నష్టం కనిపించడం లేదు. కానీ మే నెలలో ఫ్యాన్లు, కూలర్లు, ఏసీల వాడకం కారణంగా కరెంట్ బిల్లు ఒక్కసారిగా పెరిగిపోయింది. సాధారణంగా మిగతా నెలలో కరెంట్ తక్కువగా కాల్చేవాళ్లు సైతం మే నెలలో ఎక్కువ విద్యుత్ వినియోగిస్తారు. దీని ప్రభావం మిగతా రెండు నెలల శ్లాబులపైనా పడింది.

వినియోగం ఆధారంగా గృహ విద్యుత్‌లో 9 శ్లాబులు, 3 కేటగిరీలు ఉన్నాయి. ఓ ఇంట్లోని వారు 3 నెలలకు కలిపి 299 యూనిట్ల విద్యుత్ వాడితే.. ప్రతి నెలకు 99 యూనిట్లను లెక్కించి, 50 యూనిట్ల లోపు వాడకానికి యూనిట్‌కు రూ.1.45, 51-100 యూనిట్లకు రూ.2.60 బిల్లు వేశామని అధికారులు చెబుతున్నారు. మూడు నెలలకు కలిపి 1305 యూనిట్లు విద్యుత్ వాడితే.. ప్రతి నెలా 435 యూనిట్ల చొప్పున విభజిస్తే.. కేటగిరీ-3లోకి వెళ్లింది. దీంతో అతడికి 3 నెలలకు కలిపి రూ.9006 బిల్లు వచ్చిందని అధికారులు చెబుతున్నారు.
వాస్తవానికి మార్చి, ఏప్రిల్ నెలల్లో తక్కువ విద్యుత్ వాడినా మే నెలలో కాస్త ఎక్కువగా వాడటం వల్ల యావరేజీతో బిల్లులు ఎక్కువగా వస్తున్నాయి. మార్చి, ఏప్రిల్ నెలల్లో సగటున 99 యూనిట్ల లోపు విద్యుత్ వాడి, మే నెలలో 199 యూనిట్లలోపు వాడినా.. శ్లాబు మూడు నెలలకూ మారిపోయింది. ఫలితంగా బిల్లులు ఎక్కువ వస్తునాయని వినియోగదారులు వాపోతున్నారు.
కొందరు వినియోగదారులు ట్విట్టర్ ద్వారా కరెంట్ బిల్లులు ఎక్కువగా వస్తున్న విషయాన్ని మంత్రి కేటీఆర్ దృష్టికి తీసుకెళ్లారు. స్పందించిన మంత్రి.. డిస్కం అధికారులు, విద్యుత్ శాఖ మంత్రి జగదీశ్ రెడ్డి దృష్టికి ఈ విషయాన్ని తీసుకెళ్తానన్నారు. విద్యుత్ శాఖ మాత్రం వాయిదాల్లో బిల్లులు కట్టొచ్చని చెబుతోంది. దీనికి 1.5 శాతం లేట్ ఫీజు వసూలు చేస్తామని చెబుతోంది.

Post Top Ad