కేటీఆర్‌కు ఒవైసీ సపోర్ట్.. - Subha Telangana

Breaking

Post Top Ad

Sunday, June 07, 2020

కేటీఆర్‌కు ఒవైసీ సపోర్ట్..

ఎంఐఎం అధినేత, హైదరాబాద్ ఎంపీ అసదుద్దీన్‌ ఒవైసీ మంత్రి కేటీఆర్‌కు మద్దతు పలికారు. శనివారం ట్విటర్ ద్వారా కేటీఆర్‌ను సపోర్ట్ చేసిన ఒవైసీకి వెంటనే మంత్రి ధన్యవాదాలు తెలిపారు. ఫాంహౌజ్ అంశంలో జాతీయ గ్రీన్ ట్రిబ్యునల్ కేటీఆర్‌కు నోటీసులు జారీ చేసిన సంగతి తెలిసిందే. హైదరాబాద్ శివారులోని గండిపేట చెరువుకు ఎగువన జన్వాడ గ్రామంలో జీవో 111ను ఉల్లంఘించారనే ఆరోపణలపై నోటీసులు జారీ అయ్యాయి. ఈ పిటిషన్‌ను కాంగ్రెస్ ఎంపీ రేవంత్ రెడ్డి దాఖలు చేశారు.
ఈ వ్యవహారంలో శుక్రవారం నోటీసులు రాగా.. శనివారం మంత్రి కేటీఆర్ దానిపై స్పందించారు. ఒక కాంగ్రెస్ నేత ఉద్దేశపూర్వకంగా తనపై దుష్ప్రచారం చేస్తున్నారని ఆయన ట్విటర్ వేదికగా చెప్పారు. ఆ భూమి తనది కానే కాదని ఇంతకు ముందే స్పష్టత ఇచ్చానని మరోసారి కేటీఆర్ స్పష్టం చేశారు. అయితే ఈ ట్వీట్‌పై తాజాగా అసదుద్దీన్‌ ఒవైసీ స్పందించారు. కేటీఆర్‌కు ఆయన మద్దతు పలికారు.

‘‘మేం మీతో ఉన్నాం కేటీఆర్ గారూ. మీరు చేసే మంచి పనులు కొనసాగిస్తూనే ఉండండి. ప్రతిపక్షాలు విసుగెత్తిస్తూనే ఉంటాయి. మీకు మేం మద్దతుగా ఉంటాం. మీరు సక్సెస్ ఫుల్‌ మంత్రి.’’ అని అసదుద్దీన్ ఒవైసీ ట్వీట్ చేశారు. దీనిపై స్పందించిన కేటీఆర్ అసదుద్దీన్‌కు ధన్యవాదాలు తెలిపారు. ఈ ఇద్దరి ట్వీట్లపై నెటిజన్లు కూడా భిన్న రకాలుగా స్పందిస్తున్నారు. కొంత మంది తమ అభిమాన కేటీఆర్‌కు మద్దతుగా కామెంట్లు పెడుతుంటే, మరికొంత మంది పూర్తి వ్యతిరేకంగా వ్యాఖ్యలు పోస్ట్ చేశారు.

Post Top Ad