ప్రతీకాలనీ, బస్తీలలో మెరుగైన మౌలిక సదుపాయాలు కల్పిస్తాం - Subha Telangana

Breaking

Post Top Ad

Wednesday, August 26, 2020

ప్రతీకాలనీ, బస్తీలలో మెరుగైన మౌలిక సదుపాయాలు కల్పిస్తాం


కుత్బుల్లాపూర్ ఆగస్టు 25 (శుభ తెలంగాణ) : కుత్బుల్లాపూర్ నియోజకవర్గం పరిధికి చెందిన సామాజిక కార్యకర్త కోల రవీందర్ ముదిరాజ్ మంగళవారం ఎమ్మెల్యే కేపి వివేకానంద్ ని చింతల్ లోని క్యాంపు కార్యాలయంలో మర్యాదపూర్వకంగా కలిశారు. ఈ సందర్భంగా సూరారం కాలనీ స్మశాన వాటిక, సిసి రోడ్డు, భూగర్భ డ్రైనేజీ అభివృద్ధి చేయాలని అలాగే ఈత ఒక సాధన పాఠ్యాంశంలో చేర్చి విద్యార్ధులకు బోధించాలని కోరుతూ ఎమ్మెల్యే వివేకానంద్ కి వినతి పత్రాన్ని అందజేశారు. ఈ మేరకు ఎమ్మెల్యే సానుకూలంగా స్పందిస్తూ స్మశాన వాటిక,సిసి రోడ్లను మెరుగు పరుస్తామని అన్నారు. విద్యార్థులు సరదాగా ఈతకు వెళ్లి అనేక చోట్ల ప్రమాదాలకు గురవుతున్నారని కనుక ఈత సాధనను విద్యార్థులకు బోధించేలా ప్రభుత్వం, సంబంధిత మంత్రి దృష్టికి తీసుకెళ్తానని హామీ ఇచ్చారు.