సీఎం కేసీఆర్‌ నేతృత్వంలో ఈ నెల 11న కలెక్టర్లతో కీలక భేటీ - Subha Telangana

Breaking

Post Top Ad

Saturday, January 09, 2021

సీఎం కేసీఆర్‌ నేతృత్వంలో ఈ నెల 11న కలెక్టర్లతో కీలక భేటీ

 





సీఎం కేసీఆర్‌ నేతృత్వంలో ఈ నెల 11న కలెక్టర్లతో కీలక భేటీ జరగనుంది. ప్రగతి భవన్‌లో నిర్వహించనున్న సమావేశానికి మంత్రులు, అన్ని జిల్లాల కలెక్టర్లు హాజరు కానున్నారు. అన్ని జిల్లా కలెక్టర్లతో ప్రత్యేక సమావేశం నిర్వహించనున్నారు గులాబీ బాస్. ఉదయం 11.30 గంటలకు ప్రారంభమయ్యే ఈ భేటీలో కీలకమైన రెవెన్యూతోపాటు పంచాయతీరాజ్‌, మున్సిపల్‌, వైద్యం, ఆరోగ్యం, విద్యా, అటవీశాఖతోపాటు ఇతర ముఖ్యమైన అంశాలపై చర్చించి పలు నిర్ణయాలు తీసుకోనున్నారు.


ప్రధానంగా రెవెన్యూకు సంబంధించిన అంశాలపై ఇటీవల ప్రగతి భవన్‌లో సీఎం కేసీఆర్‌ సీనియర్‌ అధికారులు, కొందరు కలెక్టర్లతో సమావేశంనిర్వహించారు. ఆ సమావేశంలో రెవెన్యూకు సంబంధించి పరిష్కరించాల్సిన కొన్ని అంశాలు ప్రస్తావనకు వచ్చాయి. 11వ తేదీన జరిగే సమావేశంలో వీటిపై కూలంకషంగా చర్చించనున్నారు.పెండింగ్‌ మ్యుటేషన్లు, సాదా బైనామాల క్రమబద్ధీకరణ, ట్రిబ్యూనళ్ల ఏర్పాటు, పార్ట్‌.బీలో చేర్చిన అంశాలు తదితర విషయాలపై చర్చించి, తగిన కార్యాచరణను ప్రకటించనున్నారు. పార్ట్‌-బీలో చేర్చిన వివాదాస్పద భూములను ఏవిధంగా పరిష్కరించాలనే అంశంపై సీఎం దిశానిర్దేశం చేయనున్నారు.

రెవెన్యూ అంశాలతో పాటు రాష్ట్రంలోవి విద్యాసంస్థలను పునఃప్రారంభించే విషయమై ఈ సమావేశంలో చర్చించి నిర్ణయం తీసుకోనున్నారు. కరోనా వ్యాక్సిన్‌ను ప్రజలకు అందించే కార్యాచరణపైనా చర్చించే అవకాశం ఉంది. వ్యాక్సిన్‌ అన్ని ప్రాంతాలకు సరఫరా చేయడం, ప్రాధాన్యత క్రమంలో వ్యాక్సిన్‌ను పౌరులకు వేయడానికి సంబంధించిన కార్యాచరణను రూపొందిస్తారు. దీంతో పాటు పల్లె ప్రగతి, పట్టణ ప్రగతి, హరితహారం కార్యక్రమాల అమలును సమీక్షిస్తారు. సమావేశానికి కలెక్టర్లు, అధికారులు సమగ్ర సమాచారంతో రావాలని సీఎం ఆదేశించారు.