తెలంగాణలో తాజాగా మరో ఎమ్మెల్యే కి కరోనా - Subha Telangana

Breaking

Post Top Ad

Tuesday, January 12, 2021

తెలంగాణలో తాజాగా మరో ఎమ్మెల్యే కి కరోనా

 


రాష్ట్రంలో కరోనా కలకలం ఇంకా కొనసాగుతూనే ఉంది. తెలంగాణలో తాజాగా మరో ఎమ్మెల్యే కరోనా బారిన పడ్డారు. సంగారెడ్డి జిల్లా నారాయణఖేడ్ ఎమ్మెల్యే భూపాల్ రెడ్డికి కొవిడ్ పాజిటివ్ వచ్చినట్టు వైద్యులు నిర్ధారించారు. ఆయనతో పాటు కూతురు శ్రేయ రెడ్డి, ఆయన గన్ మెన్ స్వామికి కూడా వైరస్ సోకినట్టు వెల్లడించారు. అయితే ఎలాంటి ఆరోగ్య సమస్యలు లేకపోవడం వల్ల భూపాల్ రెడ్డి నారాయణఖేడ్లోని స్వగృహంలో స్వీయ నిర్భంధంలో ఉన్నారు. ఇటీవలి కాలంలో తనని కలిసి వారు నిర్ధరణ పరీక్షలు చేయించుకోవాలని సూచించారు. వారంతో ఐసోలేషన్లో ఉండాలని తెలిపారు.


ఇప్పటికే తెలంగాణలో అధికార పార్టీకి చెందిన అనేకమంది మంత్రులు, ఎమ్మెల్యేలు కరోనా వైరస్ బారిన పడ్డారు.

మరోవైపు కరోనా వ్యాక్సినేషన్ ప్రక్రియకు తెలంగాణ ప్రభుత్వం సిద్ధమవుతోంది. ఈనెల 16 నుంచి రాష్ట్రంలో కరోనా వ్యాక్సినేషన్ ప్రారంభించాలని కేసీఆర్ అధికారులకు ఆదేశించారు. కరోనా వ్యాక్సినేషన్‌లో భాగంగా తెలంగాణకు 6 లక్షల 50వేల వ్యాక్సిన్లు రానున్నాయి. రాష్ట్రవ్యాప్తంగా లక్షా 42వేల 706 మంది ప్రభుత్వ హెల్త్‌కేర్‌ వర్కర్లు, లక్షా 46వేల 722 మంది ప్రైవేట్‌ హెల్త్‌కేర్‌ వర్కర్లు ఉన్నారు. వీరందరికీ తొలిదశలో వ్యాక్సిన్‌ అందించనున్నారు.