తెలంగాణ ఉద్యోగులకు కేసీఆర్ శుభవార్త - Subha Telangana

Breaking

Post Top Ad

Tuesday, January 12, 2021

తెలంగాణ ఉద్యోగులకు కేసీఆర్ శుభవార్త



 తెలంగాణ ఉద్యోగులకు కేసీఆర్ శుభవార్త చెప్పారు. పదోన్నతుల కోసం ఎదురుచూస్తున్న ఉద్యోగులకు ఆయన తీపి కబురు అందించారు. ఉద్యోగుల పదోన్నతుల దస్త్రంపై సంతకం చేశారు. పదోన్నతుల కల్పనకు ఉద్యోగుల కనీస సర్వీసు సమయాన్ని ప్రభుత్వం కుదించింది. కనీస సర్వీసును మూడేళ్ల నుంచి రెండేళ్లకు కుదిస్తూ నిర్ణయం తీసుకుంది. జిల్లా స్థాయిలోని వివిధ శాఖలు, కేటగిరీల్లో ఉద్యోగుల పదోన్నతుల ప్రక్రియను ఈ నెలాఖరులోగా పూర్తి చేయాలని ప్రభుత్వ ప్రధాన కార్యదర్శి సోమేశ్ కుమార్‌ను ఇటీవల సీఎం ఆదేశించారు.


కారుణ్య నియామకాలు పూర్తి చేయాలని కూడా సూచించారు. ఈ నేపథ్యంలో సీఎస్‌ సైతం ఈ నెల 5న ఉన్నతాధికారులతో సమీక్ష నిర్వహించి ప్రక్రియ పూర్తిచేయాలని ఆదేశించారు. సోమవారం ఉన్నతాధికారులతో నిర్వహించిన సమీక్ష సమావేశంలో పదోన్నతుల దస్త్రంపై సీఎం సంతకం చేయడంతో అర్హులైన ఉద్యోగులకు ఈ నెలాఖరులోగా పదోన్నతులు లభించనున్నాయి. దీంతో తెలంగాణ ఉద్యోగులు హర్షం వ్యక్తం చేస్తున్నారు.

ప్రభుత్వ నిర్ణయంతో రాష్ట్రవ్యాప్తంగా అన్నిశాఖల్లో కలిపి సుమారు 25 వేల మందికి ప్రయోజనం కలుగుతుందని ఉద్యోగ సంఘాలు పేర్కొన్నాయి. ప్రభుత్వంలోని అన్నిశాఖల్లో వెంటనే పదోన్నతులు ఇవ్వాలని ముఖ్యమంత్రి కేసీఆర్‌ ఆదేశించారు. సోమవారం ప్రగతిభవన్‌లో జరిగిన మెగా సమీక్ష సందర్భంగా ఆయన మాట్లాడుతూ.. పదోన్నతులు ఇచ్చిన తర్వాతే ఆయా శాఖల్లో ఖాళీలపై స్పష్టత వస్తుందని వివరించారు. జిల్లాలవారీగా అన్నిశాఖల్లో ఖాళీల వివరాలను ప్రభుత్వానికి పంపాలని కలెక్టర్లను ఆదేశించారు.