చార్మినార్ వద్ద తెలంగాణ జాగృతి ఆధ్వర్యంలో భోగీ వేడుకలు - Subha Telangana

Breaking

Post Top Ad

Thursday, January 14, 2021

చార్మినార్ వద్ద తెలంగాణ జాగృతి ఆధ్వర్యంలో భోగీ వేడుకలు

 



చార్మినార్ వద్ద తెలంగాణ జాగృతి ఆధ్వర్యంలో భోగీ వేడుకలు నిర్వహించారు. ఈ వేడుకల్లో ఎమ్మెల్సీ కవిత పాల్గొని సందడి చేశారు.         తెలంగాణలో సంక్రాంతి వేడుకలు ఘనంగా జరుగుతున్నాయి. ఇవాళ భోగి సందర్భంగా పలు చోట్ల భోగీ మంటలు వేశారు. వీధుల్లో, గల్లీల్లో పిల్లలు భోగీ మంటల వద్ద చేరుకొని సందడి చేస్తున్నారు. ఈ సందర్భంగా పలువురు నాయకులు సైతం ఈ వేడుకల్లో పాల్గొంటున్నారు. సంక్రాంతి పండుగ ద్వారా అందరికీ శుభం కలగాలని, దేశమంతా సుభిక్షంగా ఉండాలని ఎమ్మెల్సీ కవిత అన్నారు. పాత నగరంలోని చార్మినార్‌ వద్ద తెలంగాణ జాగృతి ఆధ్వర్యంలో భోగి వేడుకలు నిర్వహించారు. ఈ కార్యక్రమంలో ఎమ్మెల్సీ కల్వకుంట్ల కవిత పాల్గొన్నారు. ఈ సందర్భంగా భాగ్యలక్ష్మి ఆలయంలో ఆమె ప్రత్యేక పూజలు నిర్వహించారు.    తెలంగాణ ప్రజలందరికీ భోగి, సంక్రాంతి, కనుమ పండుగ శుభాకాంక్షలు తెలిపారు. గతేడాది నుంచి ప్రపంచాన్ని వెంటాడుతున్న కరోనా మహమ్మారి పీడ ఈ భోగి మంటల్లో కాలిపోవాలని కోరుకున్నారు. తెలంగాణ వ్యాప్తంగా ప్రతి పల్లెలో భోగి మంటల కార్యక్రమాన్ని ఘనంగా నిర్వహించుకుంటామని చెప్పారు. జీవితంలో చెడును పారద్రోలి, మంచిని కోరుకునే గొప్ప సాంప్రదాయం మనదన్నారు. మరోవైపు ఖమ్మంలో జరిగిన భోగీ వేడుకల్లో మంత్రి పువ్వాడ అజయ్‌కుమార్‌ భార్య వసంత లక్ష్మి హజరయ్యారు.