దేశవ్యాప్తంగా మొదలైన కరోనా వ్యాక్సినేషన్ ప్రక్రియ - Subha Telangana

Breaking

Post Top Ad

Sunday, January 17, 2021

దేశవ్యాప్తంగా మొదలైన కరోనా వ్యాక్సినేషన్ ప్రక్రియ

 


దేశవ్యాప్తంగా కరోనా వ్యాక్సినేషన్ ప్రక్రియ కొనసాగుతోంది. ప్రధాని మోదీ వర్చువల్ వీడియో ద్వారా ఈ కార్యక్రమాన్ని ప్రారంభించారు. ప్రపంచాన్ని గడగడలాడించిన కరోనా వైరస్‌ను అడ్డుకోవడానికి వ్యాక్సిన్ ను ప్రపంచ దేశాలు తయారు చేశాయి. ఈ నేపథ్యంలో మన దేశం తయారు చేసిన వ్యాక్సిన్ మూడు రోజుల క్రితమే పూణే నుండి హైదరాబాద్‌కు చేరుకుంది. వ్యాక్సిన్ పంపిణీ చేశారు. ఈరోజు వ్యాక్సిన్ ను ముందుగా కోవిడ్ సమయంలో ఫ్రెంట్ వారియర్ గా పనిచేసిన వారికే వేస్తున్నారు అధికారులు. ఈ సందర్భంగా కేటీఆర్ మాట్లాడుతూ వ్యాక్సిన్ గురించి ఎవరూ భయపడవలసిన అవసరం లేదని వెల్లడించారు.


18 సంవత్సరాలు పైబడిన వారందరూ ఈ వ్యాక్సిన్ ని తప్పనిసరిగా తీసుకోవాలని తెలిపారు. అయితే ఈ వ్యాక్సిన్ను మొదట ప్రజాప్రతినిధులకు కాకుండా ప్రధాని ఆదేశాల మేరకు వారు చెప్పిన వారికి మాత్రమె వేస్తున్నామని అన్నారు. వాక్సిన్ల తయారీకి ఒక హబ్ గా మన దేశం తయారైందన్నారు. ఇందులో హైదరాబాద్ స్థానం కూడా ఉందన్నారు కేటీఆర్. గత ఏడాది కరోనా వైరస్ వల్ల ఎంతో మంది ప్రాణాలు కోల్పోయారని, ఈ వ్యాక్సిన్ రావడం వల్ల అందరిలో విశ్వాసం పెరిగిందన్నారు మంత్రి.


అయితే ఈ వ్యాక్సిన్ ఇవాళ 30 మందికి మాత్రమే ఇవ్వడం జరుగుతుందని, రేపటి నుండి పూర్తి స్థాయిలో పంపిణీ జరుగుతుందని తెలిపారు. గడిచిన పది నెలలుగా ఫ్రంట్ లైన్ వారియర్స్ ఒక యుద్ధంలాగా కరోనా వైరస్ కోసం పనిచేశారన్నారు. అందుకే మొదట వారికి మాత్రమే ప్రాధాన్యత ఇవ్వడం జరిగిందన్నారు. వారి ప్రాణాలకు తెగించి కరోనా విజృంభిస్తున్న సమయంలో వారు చేసిన సేవలను గుర్తించి ముందుగా ఈ వ్యాక్సిన్ను వారికి ఇవ్వాలని కేంద్రం నిర్ణయించడం జరిగిందన్నారు కేటీఆర్. ఆ తర్వాత అందరూ కరోనా టీకా తీసుకోవచ్చునని మంత్రి కేటీఆర్ వెల్లడించారు.