కేసీఆర్ బంధువుల కిడ్నాప్ - Subha Telangana

Breaking

Post Top Ad

Thursday, January 07, 2021

కేసీఆర్ బంధువుల కిడ్నాప్




హైదరాబాద్న బోయినపల్లి కేసీఆర్ బంధువుల కిడ్నాప్ కేసులో ఏపీ మాజీ మంత్రి, టీడీపీ నేత భూమా అఖిల ప్రియ అరెస్ట్ అయిన విషయం తెలిసిందే. ఈ కేసులో పోలీసుల విచారణ కొనసాగుతోంది. మాజీ మంత్రి అఖిల ప్రియను అరెస్ట్ చేసిన పోలీసులు గత రాత్రి చంచల్ గూడ జైలుకు తరలించారు. అయితే ఆమెకు 14 రోజుల పాటు రిమాండ్ విధించారు. రిమాండ్ అనంతరం అఖిల ప్రియ తరఫు న్యాయవాదులు బెయిల్ పిటిషన్ దాఖలు చేశారు. ఇవాళ రోజు బెయిల్ పిటిషన్‌పై కోర్టులో వాదనలు జరగనున్నాయి.అయితే అఖిల ప్రియ గర్భవతి కావడంతో బెయిల్‌పై ఉత్కంఠ నెలకొంది. నిన్న అఖిల ప్రియ అరెస్ట్ అయిన వెంటనే ఆమె సోదరి మౌనికా రెడ్డి పోలీస్ స్టేషన్ వద్దరకు చేరుకుంది. తన అక్కకు అవసరమైన మందులు, టిఫిన్ బాక్స్ తీసుకువచ్చానని తెలిపింది. వాటిని తన సోదరికి ఇచ్చేందుకు పోలీసుల అనుమతి కోరింది. అయితే అఖిలప్రియను ఈ కేసులో అన్యాయంగా ఇరికించారని కుటుంబసభ్యులు చెబుతున్నారు. మరోవైపు ఈ కేసుకు సంబంధించి అఖిల ప్రియ భర్త భార్గవ్ రామ్ ఇంకా పరారీలోనే ఉన్నారు. భార్గవ్ రామ్ ఆచూకీ కోసం పోలీసు బృందాలు గాలిస్తున్నారు.అయితే ఇదే కిడ్నాప్ కేసులో మరో టీడీపీ నేత ఏవీ సుబ్బారెడ్డిని సైతం పోలీసులు అరెస్ట్ చేశారు. ఆయనను A1 నమోదు చేశారు. అయతే విచారణ అనంతరం 41 సీఆర్పీ నోటీసు ఇచ్చి వదిలేశారు. కిడ్నాప్ చేసిన నిందితులను అరెస్టు చేసినట్లు పోలీసులు ఇంకా చూపించలేదు. హఫీజ్‌పేట్‌లోని భూ వివాదమే ఈ కిడ్నాప్‌కు కారణమని పోలీసులు తేల్చిచెప్పారు. భూమా అఖిల ప్రియ తండ్రి భూమా నాగిరెడ్డి హయాం నుంచే ఈ భూమి విషయంలో వివాదం నెలకొందని సమాచారం.