వికటించిన కరోన టీకా : - Subha Telangana

Breaking

Post Top Ad

Sunday, January 17, 2021

వికటించిన కరోన టీకా :




 తెలంగాణ వ్యాప్తంగా కరోనా వ్యాక్సినేషన్ కార్యక్రమం శనివారం (జనవరి 16) మొదలైన సంగతి తెలిసిందే. అయితే, సంగారెడ్డిలోని ఇందిరానగర్‌లో అర్బన్ హెల్త్ సెంటర్‌లో కరోనా వ్యాక్సిన్ వేయించుకున్న ఓ హెల్త్ వర్కర్‌ అస్వస్థతకు గురయ్యారు. వ్యాక్సిన్‌ తీసుకున్న ఏఎన్‌ఎం సంగీతకు కాస్త ప్రతికూలత ఎదురైంది. కొవిడ్‌ టీకా తీసుకున్న వెంటనే తల తిరుగుతుందని వైద్యులకు సంగీత చెప్పారు. ఆ తర్వాత ఆమె వాంతులు కూడా చేసుకున్నారు. దీంతో వెంటనే స్పందించిన ఆరోగ్య సిబ్బంది ఆమెకు చికిత్స అందిస్తున్నారు.


సంగారెడ్డి జిల్లాలో ఏఎన్‌ఎం నుంచి డాక్టర్‌ స్థాయి వరకు జిల్లా వ్యాప్తంగా పది వేల మంది వైద్య ఆరోగ్య సిబ్బంది ఉన్నారు. అయితే తొలి విడత టీకాను కేవలం 780 మందికే ఇవ్వనున్నారు. వీరందరూ ఇదివరకే కొవిడ్‌ పోర్టల్‌లో తమ పేర్లను నమోదు చేసుకున్నారు. ఇలా పేర్లు నమోదు చేసుకున్న వారందరికీ వచ్చిన మెసేజ్‌ ఆధారంగా ఆరోగ్య కేంద్రానికి వెళ్లి టీకా వేసుకోవాల్సి ఉంటుంది. తొలి విడత డోస్‌ వేసుకున్న వారు రెండో డోస్‌ను సరిగ్గా 28 రోజులకు తీసుకోవాల్సి ఉంటుంది.


ఆంధ్రప్రదేశ్‌లోని విజయవాడలో జీజీహెచ్‌లో వ్యాక్సిన్ వేయించుకున్న ఓ హెల్త్ వర్కర్‌ కూడా అస్వస్థతకు గురయ్యారు. వ్యాక్సిన్ వేసిన వెంటనే హెల్త్‌ వర్కర్‌ రాధ కళ్లు తిరిగాయి. అప్రమత్తమైన వైద్యులు ఆమెకు చికిత్స అందించారు.