తొలి వాక్సిన్ అందరికంటే ముందు నాకే అంటున మంతి ఈటెల - Subha Telangana

Breaking

Post Top Ad

Sunday, January 10, 2021

తొలి వాక్సిన్ అందరికంటే ముందు నాకే అంటున మంతి ఈటెల

 


\జనవరి 16 నుంచి భారత్‌లో కరోనా వ్యాక్సినేషన్ ప్రక్రియ ప్రారంభం అవుతుందని కేంద్రం ప్రకటించిన వేళ.. తెలంగాణ ఆరోగ్య శాఖ మంత్రి ఈటల రాజేందర్ ఆసక్తికర ప్రకటన చేశారు. కోవిడ్ వ్యాక్సిన్ విషయమై ప్రజల్లో నమ్మకం పెంచడం కోసం రాష్ట్రంలో తొలి వ్యాక్సిన్ తానే తీసుకుంటానని ఈటల ప్రకటించారు. నిమ్స్ హాస్పిటల్‌లో ఆంకాలజీ విభాగాన్ని మేఘా సంస్థ అభివృద్ధి చేయగా.. వాటి ప్రారంభోత్సవ కార్యక్రమంలో పాల్గొన్న మంత్రి ఈ వ్యాఖ్యలు చేశారు.


తెలంగాణలో కరోనా తొలి వ్యాక్సిన్‌ను ఈటల వేసుకుంటారని గత కొద్ది రోజులుగా ప్రచారం జరుగుతోంది. దానికి తగ్గట్టుగానే మంత్రి ముందుకు రావడం గమనార్హం. తెలంగాణలో డ్రై రన్ విజయవంతమైందన్న మంత్రి.. టీకాలను కేంద్రం ఎప్పుడు పంపినా.. వ్యాక్సినేషన్‌కు తాము సిద్ధంగా ఉన్నామన్నారు. రోజుకు 10 లక్షల మందికి టీకాలు ఇవ్వాలని లక్ష్యంగా నిర్దేశించుకున్నామన్నారు. కోవిడ్ కొత్త స్ట్రెయిన్‌తో భయం లేదన్న ఈటల.. బర్డ్ ప్లూ విషయంలోనూ ఎవరూ ఆందోళన చెందాల్సిన అవసరం లేదన్నారు.


తెలంగాణను వైద్య రంగంలో దేశానికే ఆదర్శంగా తీర్చిదిద్దుతామన్న మంత్రి.. రాష్ట్ర ప్రభుత్వం ఆరోగ్యంపై రూ. 7500 కోట్లు ఖర్చు చేస్తోందన్నారు. సోమవారం సీఎంతో జరిగే భేటీలో వైద్యారోగ్యంపై చర్చిస్తామన్నారు. తెలంగాణలో ఇప్పటి వరకూ 2,89,433 మందికి కరోనా సోకగా.. 2,83,048 మంది కోలుకున్నారు. 1563 మంది వైరస్ బారిన పడి ప్రాణాలు కోల్పోయారు.