కేసీఆర్ టార్గెట్‌గా కాంగ్రెస్ నేత జీవన్ రెడ్డి సంచలన వ్యాఖ్యలు - Subha Telangana

Breaking

Post Top Ad

Sunday, January 10, 2021

కేసీఆర్ టార్గెట్‌గా కాంగ్రెస్ నేత జీవన్ రెడ్డి సంచలన వ్యాఖ్యలు

 


టీపీసీసీ అధ్యక్ష పదవి వరిస్తుందని ప్రచారం జరుగుతున్న వేళ.. కేసీఆర్ టార్గెట్‌గా కాంగ్రెస్ నేత జీవన్ రెడ్డి సంచలన వ్యాఖ్యలు చేశారు. కేసీఆర్ ఢిల్లీ పర్యటనపై సెటైర్లు వేశారు. ‘‘మోదీకి మొగుణ్ని అవుతానని ఢిల్లీకి పోయిన కేసీఆర్.. ట్రాన్స్‌జెండర్ అయ్యాడు.. అదీ కాదు.. ఇదీ కాదు.. కేసీఆర్ శిఖండిగా మారాడు.. ఢిల్లీలో మోదీ కాళ్లు పట్టుకున్నాడ’’ని జీవన్ రెడ్డి తీవ్ర స్థాయిలో వ్యాఖ్యలు చేశారు.


రైతుల దగ్గర్నుంచి ప్రభుత్వం ధాన్యం కొనుగోలు చేయకుంటే టీఆర్ఎస్ కార్యకర్తలను గ్రామాల్లో తిరగనీయని జీవన్ రెడ్డి హెచ్చరించారు. తెలంగాణ కేసీఆర్ జగీర్ కాదన్న కాంగ్రెస్ నేత.. రైతు బంధు ఒట్టి మోసమని మండిపడ్డారు. రైతుకు మద్దతు ధర కల్పించడంలో టీఆర్ఎస్ ప్రభుత్వం విఫలమైందన్నారు.


సాగు చట్టాలకు వ్యతిరేకంగా మంత్రులను రోడ్లపై కూర్చోబెట్టిన కేసీఆర్.. యూటర్న్ తీసుకున్నాడని జీవన్ రెడ్డి ఆరోపించారు. నూతన సాగు చట్టాలు రైతుల అవకాశాలను పూర్తిగా దెబ్బతీస్తాయన్నారు. కనీస మద్దతు ధర లభిస్తేనే.. రైతులకు న్యాయం చేకూరుతుందన్నారు. కాంగ్రెస్ ప్రభుత్వం మాత్రమే రైతుకు మద్దతు ధర కల్పించిందన్నారు. ధాన్యం కొనుగోలుకు దుకాణం తెరవకుంటే‌‌.. టీఆర్ఎస్ దుకాణం బంద్ అవుతుందని జీవన్ రెడ్డి హెచ్చరించారు.