డీమార్ట్‌లో కుళ్లిన ఖర్జూరం... తిందామని ఓపెన్ చేసి చూసే సరికి షాక్ - Subha Telangana

Breaking

Post Top Ad

Friday, January 08, 2021

డీమార్ట్‌లో కుళ్లిన ఖర్జూరం... తిందామని ఓపెన్ చేసి చూసే సరికి షాక్

 



ఇంటి సరుకులు, బట్టలు, చెప్పులు, సామాన్లు ఇలా మనకు కావాల్సిన అన్ని వస్తువులు ఒకే చోట ఏర్పాటు చేసి అనేక మార్ట్‌లు వెలిశాయి. అయితే హైదరాబాద్‌లో డీమార్ట్‌కు చాలామంది కస్టమర్లు వెళ్తుంటారు. ఇంటికి కావాల్సిన వస్తువులన్నీ ఒకేచోట దొరకడంతో వెళ్లి కావాల్సినవన్నీ తెచ్చుకుంటుంటారు. అయితే డీమార్ట్‌లో అమ్ముతున్న వస్తువుల్లో నాణ్యత లేదని తేలింది. తాజాగా ఓ కస్టమర్ కొనుగోలు చేసిన ఖర్జూరం కుళ్లిపోయింది. ఎక్స్ ‌పెయిరీ డేట్ ఇంకా ఉన్నా కూడా అందులో ఉన్న డేట్స్ మాత్రం పాడైపోయాయి. దీంతో అవి చూసి షాక్ తిన్న కస్టమర్ వెంటనే అధికారులకు ఫిర్యాదు చేశాడు.


ఈ ఘటన ఇటీవలే హైదరాబాద్‌లో జరిగింది. గతనెల 30న కుషాయిగూడలోని డీమార్ట్‌కు వెళ్లిన ఓ కస్టమర్

తన డెబిట్ కార్డు తో ఇంటికి కావాల్సిన సరుకులతో పాటు.. కిమియా డేట్స్ కంపెనీకి చెందిన 20 ప్యాకెట్ల ఖర్జూర పండ్లను కొనుగోలు చేశాడు. అయితే వాటిని తెచ్చిన వారం తర్వాత తిందామని ఈనెల 6 తేదీన సీల్ ఓపెన్ చూసి చూసి షాక్ అయ్యాడు. లోపల కుళ్లిపోయిన ఖర్జూరాలు కనిపించడంతో అవాక్కయ్యాడు. దీంతో వెంటనే ప్యాకింగ్ తేదీని చెక్ చేయగా డిసెంబర్ 2020గా ప్యాకెట్ పై ఉంది. అయితే ఆ ప్యాకెట్ పై 6 నెలల వరకు టైం ఉందని రాసి ఉంది. అయినా కూడా ఖర్జూర పళ్లన్నీ కుళ్ళిపోవడంతో కస్టమర్ షాక్ తిన్నాడు

ప్యాకింగ్ తేదీ కరెక్ట్ గా, ప్యాకెట్ సీల్ మంచిగా ఉన్నప్పటికీ లోపల మాత్రం పళ్ళు కూలిపోయి రావడంపై వినియోగదారుడు తీవ్ర అభ్యంతరం వ్యక్తం చేస్తున్నాడు. దీనిపై ఫిర్యాదు చేసేందుకు కిమియా డేట్స్ కంపెనీ కస్టమర్ కేర్ నెంబర్ కు కాల్ చేయగా ఫోన్ స్విచ్ ఆఫ్ వచ్చింది. దీంతో నాణ్యతా ప్రమాణాలు పాటించని కిమియా డేట్స్ కంపెనీ పై, మోసపూరితంగా విక్రయం చేస్తున్న కుషాయిగూడ డీమార్ట్ పై చర్యలు తీసుకోవాలని అధికారులకు ఫిర్యాదు చేశాడు. దీనిపై స్పందించిన అధికారులు వెంటనే కుషాయి గూడ డీ మార్ట్ షాపింగ్ మాల్‌లో తనిఖీలు చేసి సీజ్ చేశారు. ప్రజల ఆరోగ్యాలతో ఆడుకుంటున్న ఇలాంటి మార్ట్‌లపై కఠిన చర్యలు తీసుకోవాలని వినయోగదారులు డిమాండ్ చేస్తున్నారు.