తెరాస అంతు చూస్తా అంటూ కీలక నిజాలు భయట పెట్టిన విజయశాంతి - Subha Telangana

Breaking

Post Top Ad

Sunday, January 10, 2021

తెరాస అంతు చూస్తా అంటూ కీలక నిజాలు భయట పెట్టిన విజయశాంతి

 


బీజేపీ నాయకురాలు విజయశాంతి మరోసారి కీలక వ్యాఖ్యలు చేశారు. అధికార పార్టీ టీఆర్ఎస్‌తో పాటు.. సీఎం కేసీఆర్‌ ‌పై ఆమె సంచలన ఆరోపణలు చేశారు. కేసీఆర్ అధికారాన్ని కబ్జా చేసే రోజులు దగ్గర పడ్డాయని హెచ్చరికలు చేశారు విజయశాంతి. దీంతో పాటు తెలంగాణలో జరుగుతున్న భూకబ్జాలపై కూడా ఆమె స్పందించారు. సోషల్ మీడియా వేదికగా ఆమె కీలక వ్యాఖ్యలు చేశారు. "తెలంగాణలోని తాజా పరిణామాలు చూస్తుంటే రాష్ట్రంలో ప్రతి అంగుళం భూమీ కబ్జాకోరుల క్రీనీడలోనే ఉన్నట్టు కనిపిస్తోంది. ఖాళీ స్థలాలు, చెరువులు, పార్కులు... ఎక్కడ చూసినా కాదేది ఆక్రమణకు అనర్హం అన్నట్టుగా పరిస్థితి తయారైందన్నారు.


ఇలాంటి భూవివాదాల సెటిల్మెంట్లు... కేసుల్లో ఎక్కువగా వినిపిస్తున్న పేర్లు అధికార టీఆరెస్ నేతలవే... ఆక్రమణలను అడ్డుకోవడం సంగతి అటుంచి ఇలాంటి చర్యల్ని ప్రోత్సహిస్తున్న తెలంగాణ పాలకుల తీరు వల్లే కబ్జాకోరులు రెచ్చిపోతున్నారన్నారు. రాష్ట్రంలో ఎక్కడ చూసినా భూ వివాదాల సమస్యలే అన్నారు. అటు కోర్టుల్లోనూ భూవివాదాల కేసులు వేలకు వేలుగా పెరుగుతున్నాయి. ఇవి చాలక భూ సమస్యలకు సర్వరోగ నివారిణి అంటూ కేసీఆర్ గారు ఊదరగొట్టిన ధరణి పోర్టల్ దెబ్బకు సామాన్యులు, రియల్టర్లు కూడా గగ్గోలు పెట్టే పరిస్థితి. కోర్టులు చీవాట్లు పెడుతున్నా మారని మీ తీరుతో మీ అధికారం కబ్జా అయ్యే పరిస్థితి దగ్గర పడుతోందని మర్చిపోకండి." అంటూ విజయశాంతి పేర్కొన్నారు.