Congress leader కోమటిరెడ్డి రాజగోపాల్ రెడ్డి మరోసారి వివాదాస్పద వ్యాఖ్యలు - Subha Telangana

Breaking

Post Top Ad

Tuesday, January 12, 2021

Congress leader కోమటిరెడ్డి రాజగోపాల్ రెడ్డి మరోసారి వివాదాస్పద వ్యాఖ్యలు




 కోమటిరెడ్డి రాజగోపాల్ రెడ్డి మరోసారి వివాదాస్పద వ్యాఖ్యలు చేశారు. కాంగ్రెస్ అధిష్టానంపై ఆయన సంచలన ఆరోపణలు చేశారు. అధిష్టాన వైఖరిపై ఆయన తీవ్ర అసహనం వ్యక్తం చేశారు. టీపీసీసీ చీఫ్ ఎన్నిక వాయిదా పడిన విషయం తెలిసిందే. నాగార్జున సాగర్ ఉప ఎన్నిక అయిపోయిన తర్వాత టీపీసీసీ అధ్యక్షుడిని ప్రకటించాలని కొందరు నాయకులు హైకమాండ్‌కు సూచించారు. టీపీసీసీ ప్రకటిస్తే అసంతృప్తి జ్వాలలు వచ్చే ప్రమాదం ఉంది కాబట్టి కాంగ్రెస్ అధిష్టానం వాయిదా వేసింది. అయితే ఈ విషయమై స్పందించిన కోమటిరెడ్డి సంచలన వ్యాఖ్యలు చేశారు.


హైదరాబాద్ లోని హయత్ నగర్ లో ఓ కార్యక్రమానికి వచ్చిన కోమటి రెడ్డి అనంతరం మీడియాతో మాట్లాడుతూ... నాకు కాంగ్రెస్ పార్టీ అంటే అభిమానం అన్నారు. తెలంగాణ రాష్ట్రం అవిర్భవించిన అప్పటి నుంచి కాంగ్రెస్ అధిష్టానం చేసిన తప్పుల వల్లే రాష్ట్రంలో కాంగ్రెస్ పార్టీ బలహీనపడుతోందని ఆరోపించారు కోమటిరెడ్డి. డిపాజిట్లు కూడా రానీ నేతలు, తెలంగాణాలో పంపిస్తే కాంగ్రెస్ ఎలా బలపడుతుందని ఆయన అవేదన వ్యక్తం చేశారు. సాగర ఉప ఎన్నికకు పీసీసీ ఎంపికతో ముడి పెట్టడం ఏంటని ఆయన ప్రశ్నించారు.

అధిష్టానం సొంతంగా నిర్ణయం తీసుకునే పరిస్థితుల్లో లేదని ఇట్టే అర్థం అవుతోందన్నారు రాజగోపాల్ రెడ్డి. కాంగ్రెస్ అధిష్టానం తమ కృషిని గుర్తించడంలేదని విమర్శించారు. ఇతర రాష్ట్రాల నుంచి వచ్చినవారికి రాష్ట్ర రాజకీయాలు ఎలా తెలుస్తాయని ప్రశ్నించారు. కాంగ్రెస్ పార్టీ బలంగానే ఉందనీ, అభిమానులు ఎవరూ బాధపడొద్దని రాజగోపాల్ రెడ్డి ధైర్యం చెప్పారు. పార్టీకోసం కష్టపడే వారిని అధిష్టానం గుర్తించాలని కోమటిరెడ్డి రాజగోపాల్ రెడ్డి హితవు పలికారు. ఇప్పటికే
బీజేపీలోకి వెళ్తానంటూ ప్రకటన చేసి కాంగ్రెస్ లో కలకలం రేపారు. ఇప్పుడు మరోసారి అధిష్టానంపై విమర్శలు గుప్పించారు. మరి దీనిపై కాంగ్రెస్ అధిష్టానం కోమటిరెడ్డిపై ఎలాంటి యాక్షన్ తీసుకుంటుందో వేచి చూడాలి.